रसुवा — गोसाइकुण्ड गाउँपालिका–४ स्थित लाङटाङ सामुदायिक भवन मुण्डुमा रहेको मतदान केन्द्रको मतपेटिका आजै हेलिकप्टरमार्फत सदरमुकाम धुन्चे ल्याउने तयारी गरिएको छ।
बिज्ञापन
सहायक प्रमुख जिल्ला अधिकारी द्रुव प्रसाद अधिकारीका अनुसार मौसमले साथ दिएमा मतपेटिका आजै हेलिकप्टरमार्फत सुरक्षित रूपमा धुन्चे ल्याइने व्यवस्था मिलाइएको हो।
बिज्ञापन
दुर्गम भौगोलिक अवस्थाका कारण स्थलमार्गबाट मतपेटिका ढुवानी गर्न कठिन हुने भएकाले हेलिकप्टर प्रयोग गर्ने तयारी गरिएको उनले बताए।
निर्वाचन सम्पन्न भएपछि मतपेटिकालाई कडा सुरक्षा व्यवस्थासहित मुण्डुस्थित मतदान केन्द्रमा राखिएको छ। मौसम अनुकूल रहेमा मतपेटिका आजै सदरमुकाम ल्याइने र त्यसपछि आवश्यक प्रक्रिया अघि बढाइने प्रशासनले जनाएको छ।
बिज्ञापन
लाङटाङ क्षेत्र दुर्गम हिमाली भूभागमा पर्ने भएकाले निर्वाचन सामग्री ढुवानी तथा मतपेटिका व्यवस्थापनका लागि हवाई सेवाको सहारा लिनुपर्ने अवस्था रहेको छ।
